PANTUN NASEHAT 005

Jaman skarang biking bulu badang badiri
Orang bakanda seng barenti
Jang taputar deng orang pung bini
Dosa turunan bawa sampe mati

Terjemahan :
Jaman sekarang bikin bulu kuduk berdiri
orang berselingkuh tidak berhenti
jangan selingkuh dengan orang punya isteri
Dosa turunan bawa sampai mati
-------------------------------------------------------

PANTUN CINTA 004

Pagi hari su putar lagu landoke 
Dorang biking baribut di ruma sabla
Ale memang abuleke 
Romantis tarus deng tunangang lama

 
Terjemahan :
Pagi hari sudah mainkan lagu landoke (khas minang)
Tetangga rumah biking gaduh
Anda memang tukang berbohong
romantis terus dengan pacar lama
----------------------------------------

PANTUN Nasehat 004

Stan badiri seng dapa kuti,
Maeng jalonto gaco montar.
Dalam mulu jang talalu taputar,
mulu parlente laste la mati.


Torana kusu di lubang batu,
akang takoro dudu di jiku.
Beta memang ana piatu,
Tuhan pasti jaga di tana rantau.


Ikang Bolana ikang Salmaneti
Manjala akang di aer meti.
Mama gandong juga mama tiri,
kasih sayang tulus akang dar hati.

Pantun Nasehat 003

Mulu galogojo makang goyawas
Kalo abuleke itu abunawas
Jaga mulu jang talalu basumpa
lidah pukol badan baru tau rasa.

Goso poro pake minya caplang
tiarap ka bawa, diatas bantal
kalu sudah batamang kantal
jang maeng tikang dar balakang

Hari ini hari lima,
Sama artinya deng hari jumat.
Tetap percaya ada hari kiamat,
Terus lakukan amal ibadah.

PANTUN; provokasi damai Ambon 002

Toki gong pake martelu,
akang babunyi karas paskali.
Sadiki lai su mau pemilu,
taru hidup orang Maluku di muka paskali.


Bala bulu par biking nyiru,
kal su jadi, par asar taripang.
Jadi orang jang suka harubiru,
cuma bisa kas rusak, seng tau kas bangong. 


Porna Sagu anam lempeng
di luar angos di dalam manta
hidup pela-gandong harus ditata
sala jaga bisa takangkang 

PANTUN; Nasehat 002

Garu kapala ada kalamumur,
jatuh talamburang di atas meja.
Dengar dengaran biking panjang umur
dapa berkat di dalam karja


Dudu dengar jigulu-jigulu
sudara hetu seng barenti-barenti 
mama bilang ingatang hati
banya sombanyang kal ada pilu


Pisang ambon pisang Jawaka
Pisang 40 hari enak rasanya
Hari ini jang cari perkara
kal mau senang di satu masa.